IFRS.Cert сертификати ҳақида

Молиявий ҳисоботларнинг халқаро стандартлари (МҲХС, IFRS) ташқи фойдаланувчиларга улар томонидан бизнесга доир қарорларни қабул қилиш учун зарур бўлган молиявий ҳисоботларни тузиш қоидаларини белгилайди. Ушбу стандартларни билмай туриб, нафақат чет элда, балки Ўзбекистонда ҳам профессионал жиҳатдан ўсиш ва муваффақиятли молиячи, бухгалтер ва аудитор даражасига эришишнинг имкони йўқ.

Молиявий ҳисоботларнинг халқаро стандартлари асослари бўйича IFRS.Cert сертификати унинг эгаси:

  • МҲХС бўйича молиявий ҳисоботнинг мақсадлари, таркиби ва мазмунини тушунишини
  • ҳар қандай активлар, мажбуриятлар, даромадлар ва харажатларнинг тан олиниши, баҳоланиши, таснифланиши принципларини қўллай олишини
  • МҲХСнинг базавий тушунчалари бўлмиш асосий воситалар, тушум, қадрсизланиш, захиралар ва ҳ. к. лар билан эркин ишлай олишини
  • молиявий натижалар, хусусий капиталидаги ўзгаришлар, молиявий ҳолат ва пул маблағларининг ҳаракатланиши тўғрисида ҳисоботларни тузиш малакасига эга эканлигини тасдиқлайди.

Кимлар учун

IFRS.Cert малакаси бухгалтерия ҳисоби, солиқ солиш ва аудит соҳаларида ишлайдиган ёки ишлашни истайдиган мутахассисларни МҲХС асослари бўйича зарур билим ва кўникмалар билан таъминлайди.
IFRS.Cert малакаси:

МҲХС бўйича молиявий ҳисоб юритиш ва молиявий ҳисоботлар соҳасида базавий билим ва кўникмаларни олиш

профессионаллик ва Ўзбекистон бозорида ўзининг ишчи кучи қийматини ошириш йўлида муҳим қадам қўйиш

халқаро сертификатлаш имтиҳонларидан (ACCA,CIMA,IPFM) ўтишга тайёрланишни хоҳловчилар учун мўлжаллангандир

IFRS.Cert малакаси қуйидагилар учун фойдалидир: талабалар

талабалар, магистрантлар, ўқитувчилар

бухгалтерлар, молиячилар, иқтисодчилар

аудиторлар, солиқ маслаҳатчилари

солиқ органлари ходимлари ва бошқа давлат идоралари ходимлари

Имтиҳон қандай ўтади

IFRS.Cert сертификати «Norma» профессионал ривожланиш маркази томонидан компьютерда тестлаш шаклида ўтказиладиган жонли имтиҳон натижаларига кўра берилади.

Сиз мумкин бўлган 100 баллдан камида 75 балл тўплашингиз керак бўлади.

IFRS.Cert имтиҳони икки бўлимдан иборат:

  1. назарий қисм (тестлар ва тасдиқлар);
  2. амалий қисм (вазиятли ва амалий топшириқлар).

Имтиҳон 4 турдаги саволларни ўз ичига олади:

  1. бир нечта жавоб вариантлари бўлган тестлар. Улар назарий саволлар ёки мини-сценарийлар бўлиб, талабгордан саволга битта ва/ёки бир нечта тўғри жавобни танлаш талаб этилади;
  2. назарий тасдиқлар. Улар тўғрилигини текширишни талаб қилади;
  3. ўтказмалар (ҳисоб ёзувлари) бўйича вазиятга доир топшириқлар. Уларда журналдаги ўтказмалар бўйича таклиф этилган рўйхатдан мос келадиган счётларнинг номлари танланади;
  4. рақамли жавоби ёзилган амалий топшириқлар. Жавобни топиш учун ҳисоб-китоблар талаб этилади.

Диққат!

IFRS.Cert сертификатини олиш имтиҳонида қатнашиш бепул.
Айни вақтда сизда IFRS.Cert сертификати билан бирга Профессионал молиявий менежерлар халқаро Британия институтининг (IPFM) МҲХС бўйича сертификатини олишдек ноёб имконият мавжуд. IPFM ҳақида батафсил бу ерда ва бу ерда ўқинг. IPFM -1 имтиҳонида иштирок этиш қиймати – 1 МҲЭКМ (2 уриниш).

Cert
Cert

Қаерда ўқилади

Сиз IFRS.Cert сертификатини олиш учун имтиҳонларга мустақил равишда ifrs.academy платформасида бепул тайёрланишингиз мумкин. Онлайн-курс барча зарур ўқув материаллари ва баҳолаш воситалари – видео-маърузалар, тақдимотлар, оралиқ ва якуний тестлар, топшириқларни ўз ичига олади.